Salam! Mənim adım Hikmətdir. Bu repo-da Javascript haqqında hər proqramçının bilməli olduğu kritik mövzulardan bəhs edirəm. Əgər məlumatlar yararlıdırsa, itirməmək üçün reponu ulduzlamağı (star) unutmayın.
Javascript-də heç olmasa müəyyən qədər təcrübəsi olanlar üçün əla qaynaqdır. Yəni 0-dan başlayan biri üçün məs. CALL STACK-da nə baş verdiyini oxumaq məncə sıxıcı olar.
Hər gün ən az bir mövzu haqqında detallı yazıram. Mövzuların sırası əvvəlcədən var. Odur ki, reponu gündəlik kontrol edin.
Sözügedən mövzular olduqca qəlizdir. İlk oxumada aydın olmayan məqamlar çox ola bilər. Təkrar-təkrar oxumaqda fayda var. Adətən oxumaq üçün ən yaxşı vaxt səhər və günorta vaxtlarıdır. Gecə gözünüzdən yuxu töküldüyü zaman bu mövzuları oxumaq vaxt itkisi olacaq.
Unutmayın ki, mən bu məlumatları dokumentasiyadan və bir sıra mənbələrdən tərcümə edib yazıram. Bu o deməkdir ki, tərcümə xətaları məntiq xətalarına gətirib çıxara bilər. Amma tərcüməni özüm etdiyim üçün bu risk minimum səviyyədədir. Əgər konkret olaraq hər hansı sətirin səhv olduğunu düşünürsünüzsə "Issues" bölməsində bunu bildirin.
Mövzular sıralı deyil. Hansı bölmə lazımdırsa adına görə tapa bilərsiniz. Yəni 5-ci bölməni yazanda 1-ci bölmədən çalışdığım qədər misallar gətirmirəm. Amma bunu bilirəm deyib digər bölmələrə keçməyin, böyük ehtimal ki, bilmədiyiniz şeylər çıxacaq. Mövzu haqqında əlavələrinizi yazmaq üçün ya Fork edə ya da Issue bölməsinə yaza bilərsiniz.
Bu repo hərkəsə açıqdır. Hər hansı müəllif hüququ yoxdur. İstədiyiniz yerdə paylaşın. Əsasən müəllimlər üçün öz tələbələrinə azərbaycan dilində qaynaq kimi vermək əlverişlidir.